Almaniyanın “Borussiya” (Mönhenqladbax) klubu bu mövsümün əvvəlində Portuqaliya “Benfika”sından icarəyə götürdüyü Yulian Vayqlın transfer hüquqlarını da alıb.
Corner.az saytı xəbər verir ki, bu barədə klubun rəsmi saytı məlumat yayıb.
Bundesliqa təmsilçisi 27 yaşlı futbolçunun transfer üçün Portuqaliya klubuna 7.18 milyon avro ödəyib.Alman futbolçunun özü ilə 2028-ci ilin yayına kimi müqavilə imzalanıb.
Vayql bu mövsümün əvvəlindən formasını geyindiyi “Borussiya”da 21 oyuna çıxıb, 1 qol vurub. O, “1860 Münhen”, “Borussiya” (Dortmund) və “Benfika”da da oynayıb, Almaniya millisində 6 oyuna çıxıb.
