“Barselona” kapitanı Serxio Busketsin mövsümün sonunda ayrılacağını açıqlayıb. Corner.az xəbər verir ki, “Barsa” əfsanəsi ilə vidalaşır” başlıqlı yazıda onunla yeni müqavilə imzalanmayacağı diqqətə çatdırılıb.
34 yaşlı yarımmüdafiəçi də azarkeşlərlə vidalaşıb: “Barselona” nişanını taxmaq mənim üçün şərəf və qürur mənbəyi idi. Lakin hər şey sona çatır. Bu, asan qərar idi, vaxtı gəldi. Bu yolda məni müşayiət edən bütün insanlara, eləcə də, azarkeşlərə təşəkkür edirəm”.
Daha əvvəl ispaniyalıya MLS-dən və Səudiyyə Ərəbistanı klublarından təkliflər olduğu bildirilirdi.
Qeyd edək ki, Serxio Buskets “Barselona” akademiyasının məzunudu. O, komandada debütünü 2008-ci ildə edib. Serxio klubda 718 oyun keçirib - bu, tarixin üçüncü ən yüksək göstəricisidir. Həmçinin 18 qol vurub, 40 məhsuldar ötürmə verib.
Ulduz futbolçu “Barselona” ilə 8 dəfə İspaniya çempionatını, 7 dəfə ölkə kubokunu və Superkubokunu, 3 dəfə Çempionlar Liqasını, UEFA Super Kubokunu və Klublararası Dünya Kubokunu qazanıb.
