- Transfer
- 22:27 24.10.2024
“Barselona” “Atletiko Paranaense”nin hücumçusu Vitor Rokeni transfer etmək istəyir.
Corner.az xəbər verir ki, İspaniya klubu bu keçid üçün 45
milyon avro ödəməyə hazırdı.
Mümkün transferin yekun məbləği hələ müəyyənləşməyib. Lakin
kataloniyalılar keçid məbləği ilə yanaşı, qarşı tərəf üçün müxtəlif bonuslar da
təklif edəcək.
18 yaşlı forvardın Braziliya klubu ilə sözləşməsində sərbəst
qalma məbləği 60 milyon avro göstərilib. “Barsa”nın təklifi də bonuslarla
birlikdə 60 milyon avroya yaxın olacaq.
Vitor Roke “Arsenal”, “Çelsi”, “Nyukasl” və PSJ-nin də gündəmindədi.
Braziliya millisinin üzvünün “Atletiko Paranaense” ilə müqaviləsi 2027-ci ilə qədərdi.