Xavi 6 transfer arzusundadı

"Barselona"nın baş məşqçisi Xavi Ernandes yayda 6 oyunçu transfer edilməsini istəyir.

Corner.az "Mundo Deportivo"ya istinadən xəbər verir ki, Kataloniya klubu transferlər üzərində işə başlamaq üçün La Liqadan təsdiq gözləyir.

Əvvəlcə "Barselona" müqavilələrini yenilədiyi oyunçuların mümkün satışları üzərində işləyəcək. Bunlar Ronald Arauxo, Qavi, Aleks Balde, Markos Alonso və Serji Robertodur.

"Barselona" bir neçə futbolçu ilə yollarını ayırmaq istəyir. Klement Lenqlenin "Tottenhem"ə transferi üçün danışıqlar inkişaf mərhələsindədir. Bu mövsümü "Milan"da keçirən Serjinyo Dest üçün yeni klub axtarılır.  Eyni zamanda, Niko Qanzalesin yayda satılacağı da istisna edilmir.

Mövsüm bitməmiş "Barselona"nın bir neçə futbolçunu transferə çıxardığı da qeyd olunub. Lakin onların adları hələlik məlum deyil. Bundan əlavə, klub Frenk Kessye üçün təklifləri dəyərləndirəcək.

Bütün bunları nəzərə alaraq "Barselona"nın məşqçilər korpusu 6 oyunçunun trasnferini istəyir.

Xatırladaq ki, "Barselona" mövsümün sonuna 4 tur qalmış çempionluğunu rəsmiləşdirib.