“Real”ın Mbappe planı

“Real” PSJ-nin hücumçusu Kilian Mbappeni almaq üçün yenidən cəhd edəcək.

Corner.az “Marca”ya istinadən xəbər verir ki, 24 yaşlı forvard gələn ilin yayında madridlilərin əsas hədəfi olacaq.

“Kral klubu” PSJ rəhbərliyinin bu yay qolçusunu satmağa razılaşacağına inanmır. Bu plan sayəsində İspaniya nəhəngi növbəti imtinanın qarşısını alacaq və bu il bütün diqqətini Cud Bellinqemə yönəldəcək.

Mbappe ötən ilin yayında “Real”a keçməyə yaxın olsa da, son anda PSJ ilə müqaviləni 2025-ci ilin yayınadək uzadıb.

O, cari mövsüm bütün turnirlərdə 40 oyuna çıxıb, 38 qol vurub, 9 məhsuldar ötürmə verib.