Sane qərarını verdi: Gedir yoxsa qalır?

Son zamanlar adı “Bavariya” ilə iddia edilən “Mançester Siti”nin futbolçusu Leroy Sane gələcəyi ilə bağlı qərarını verib.

Corner.az İngiltərə mətbuatına istinadən xəbər verir ki, almaniyalı futbolçu, komandadan ayrılmayacağını deyib. O, komanda yoldaşlarına Münhen klubuna transfer olunmayacağını və “Mançester Siti”də qalacağını bildirib.Bir müddət əvvəl Münhen klubu Sane üçün 80 milyon avro təklif etmiş, amma “şəhərlilər” bu təklifdən imtina edərək, 100 milyon avro təzminat məbləği istəmişdilər.

Qeyd edək ki, 23 yaşlı futbolçu ötən mövsümdə iştirak etdiyi 47 oyunda 16 qol, 18 məhsuldar ötürmə ilə yadda qalıb.