“Yuventus”un yarımmüdafiəçisi Adrien Rabyo mövsümün sonunda komandasını dəyişmək fikrinə düşüb.
Corner.az xəbər verir ki, 28 yaşlı oyunçu “qoca sinyora”nın durumundan məmnun deyil.
Rabyo avrokuboklardan kənarda qalmaq təhlükəsi yaşayan turinlilərlə yeni müqavilə imzalamaq fikrindən uzaqdı. Onun Almaniyaya köçmək ehtimalı yüksək qiymətləndirilir. Fransalı “Bavariya”nın maraq dairəsindədi.
Qeyd edək ki, Adrien Rabyo bu mövsüm “Yuventus”da 46 oyun keçirib, 11 qol vurub, 6 assist edib.
