Madrid “Real”ının hücumçusu Vinisius Junior karyerasını "Çelsi"də davam etdirə bilər. Corner.az xəbər verir ki, bu barədə İspaniyanın “El Nacional” nəşri məlumat yayıb.
Məlumatda, London təmsilçisi 22 yaşlı forvardın transferi üçün 150 milyon avro ödəməyə hazır olduğu vurğulanıb.
Transfer gerçəkləşərsə bu, “Kral klubu”nun tarixində rekord satış olacaq. Klub 2018-ci ildə Kriştiano Ronaldonun “Yuventus”a keçidindən 100 milyon avro qazanmışdı.
Vinisius İspaniya çempionatında irqçiliklə üzləşdiyindən karyerasını digər ölkədə davam etdirməyə müsbət baxır.
