PSJ-nin futbolçusu Lionel Messi karyerasını İngiltərə Premyer Liqasında davam etdirə bilər.
Corner.az xəbər verir ki, bu barədə "Ole" məlumat yayıb. 35 yaşlı hücumçuya bir Premyer Liqa klubundan təklif gəlib. Lakin hələlik sözügedən klubun adı açıqlanmayıb.
Messinin təklifə hansı cavabı verdiyi isə məlum deyil.
Daha əvvəl argentinalı forvarda Səudiyyə Ərəbistanı "Əl-Hilal"ından və ABŞ-ın "İnter Mayami"sindən sərfəli təkliflər gəlmişdi.
Qeyd edək ki, Messinin PSJ ilə sözləşməsi bu ilin yayına kimidir. Oyunçu müqaviləni uzatmaq fikrində deyil. Onun 2004-2021-ci illərdə də çıxış etdiyi "Barselona"ya qayıdacağı ehtima olunur.
