"Ayntraxt" bu mövsümün əvvəlində icarəyə götürdüyü PSJ-nin yarımmüdafiəçisi Junior Ebimbeni birdəfəlik alıb.
Corner.az klubun saytına istinadən xəbər verir ki, 22 yaşlı yarımmüdafiəçi ilə 2027-ci ilin yayına kimi müqavilə imzalanıb. Frankfurt təmsilçisi fransız futbolçu üçün PSJ-yə 6,5 milyon avro ödəyib.
Qeyd edək ki, Ebimbe 2022/23 mövsümündə bütün yarışlarda 28 matçda meydana çıxıb, 3 qol vurub və 1 qolun ötürməsini verib.
