Almaniya Dortmund "Borussiya"sının futbolçusu Cud Belingem bundan sonra İspaniya nəhəngi "Real Madrid"in uğurları üçün çalışacaq.
Corner.az xəbər verir ki, ingilis yarımmüdafiəçi "Kral klubu"na keçməyə razılıq verməsi, madridlilərin azarkeşlərini həyəcanlandırıb.
Bildirilir ki, 19 yaşlı oyunçu artıq Madrid şəhərində ev axtarmağa da başlayıb.
Madrid klubunun Belingem üçün dortmundlulara 100 milyon funt sterlinq ödəyəcəyi gözlənilir. Gənc oyunçu isə yeni klubu ilə 6 illik müqavilə imza atacaq.
Qeyd edək ki, Belingem cari mövsüm çempionatda 31 matçda meydana çıxıb, 8 qol vurub və 5 məhsuldar ötürmə verib.
