"Real"ın baş məşqçisi Karlo Ançelotti komandada qalmaq qərarına gəlib.
Corner.az xəbər verir ki, mütəxəssis Braziliya millisinin marağına baxmayaraq, "kral klubu"nu çalışdırmağı seçib.
Ançelotti bir ildən sonra - 2024-cü ildə Braziliyaya yığmasına rəhbərlik etmək istəyir. Həmçinin, atasının məşqçilər heyətində yer alan David Ançelotti də Madrid təmsilçisində qalacaq. Onunla "Nitsa" maraqlanırdı.
Braziliya Futbol Konfederasiyası artıq Karlo Ançelottini millinin yeni baş məşqçisi təyin etmək istədiklərini təsdiqləyib. İtalyan mütəxəssisin "Real" ilə müqaviləsi 2024-cü ilin iyun ayına qədərdir. Bundan əvvəl Ançelotti heç vaxt milli komandaları çalışdırmayıb.
