- Transfer
- 13:54 26.11.2024
Mövsümün sonunda İspaniya "Real Madrid"indən ayrılan Kərim Benzema'nın Səudiyyə Ərəbistanının "Əl-İttihad" komandasına keçidi rəsmiləşib.
Corner.az xəbər verir ki, bu barədə klubun "Tvitter" hesabında paylaşım edilib:
"Benzema bizimlədir. Yeni bir pələng nərə çəkəcək. İttihada xoş gəlmisiniz", - deyə paylaşımda qeyd olunub.
"Pələnglər" 35 yaşlı forvardla 2026-cı ilin yayınadək imzalayıb. Təcrübəli forvard 3 ilinə 600 milyon avro qazanacaq.
Qeyd edək ki, "Əl-İttihad" Səudiyyə Ərəbistanı çempionatının son qalibidir.
