“Liverpul” heyətinə yeni oyunçu cəlb edib.
Corner.az xəbər verir ki, bu barədə insayder Fabrizio Romano məlumat yayıb. Mersisayd təmsilçisi “Brayton”un yarımmüdafiəçisi Aleksis Makallisterin transferini tamamlayıb. Klubun bununla bağlı yaxın saatlarda açıqlama yayacağı gözlənilir.
24 yaşlı argentinalı futbolçunun tibbi müayinəsi uğurlu keçib. Onunla 2028-ci ilin iyununa qədər müqavilə imzalanacaq.
Qeyd edək ki, son dünya çempionu 2022/23 mövsümündə "Brayton"da ümumilikdə 40 oyuna çıxıb, 12 qol vurub və 3 qol ötürməsi edib.
