“Liverpul”un yarımmüdafiəçi Nabi Keyta Almaniyaya qayıdıb.
Corner.az xəbər verir ki, 28 yaşlı qvineyalı karyerasını Bundesliqada davam etdirəcək. O, azad agent kimi Bremen “Verder”inə keçib.
Anlaşmının təfərrüatları açıqlanmır.
Xatırladaq ki, Keyta 2018-ci ildə “Leypsiq”dən 52,75 milyon funt-sterlinq qarşılığında “Liverpul”a keçmişdi.
O, “Liverpul”da Premyer Liqa və Çempionlar Liqası da daxil olmaqla, 6 kubok qazanıb. 129 oyunda, 11 qol vurub, 7 məhsuldar ötürmə verib və 10 sarı vərəqə alıb.
