Ramosla Modriç yenidən bir komandada

"Real Madrid"dən keçmiş komanda yoldaşı Luka Modriçlə Serxio Ramos Səudiyyə Ərəbistanının "Əl-Əhli" klubunda yenidən birlikdə çıxış edə bilər.

Corner.az xəbər verir ki, bu barədə xarici KİV məlumat yayıb. 

37 yaşlı ulduzun "Instagram" hesabında Luka Modriçlə yenidən birlikdə oynaya biləcəyinə dair paylaşımı bəyənməsi bu keçidin baş tutacağını göstərir.

İspan oyunçu PSJ ilə müqaviləsi başa çatdıqdan sonra bu yay azad agent statusu daşıyacaq. 2005-ci ildən "Sevilya"dan "Real"a keçən müdafiəçi  2021-ci ilə qədər İspan nəhənginin uğurları üçün çalışıb. O, 2012-ci ildə "Real"a gələn Luka Modriç ilə dörd dəfə Çempionlar Liqasının qalibi olub. 

Xorvatiyalı Modriç isə "Real"da 671 oyuna çıxıb və 101 qolla yadda qalıb.