"Yuventus"un baş məşqçisi Massimiliano Alleqri Səudiyyə Ərəbistanından təklif alıb.
Corner.az xəbər verir ki, bu barədə İtaliya mətbuatı məlumat yayıb. İtaliyalı mütəxəssisə hər mövsümə 20 milyon avro qarşılığında 3 il “Əl-Hilal”a baş məşqçilik etmək təklif olunur. Həmçinin onun üçün 10 milyon avroluq imza bonusu təklifi də irəli sürülüb.
Turin klubunda ildə 7 milyon avro və bonuslar alan 55 yaşlı çalışdırıcı bu təklifi nəzərdən keçirir. Hələlik o, qəti cavab verməyib.
