"Səbail” yay fasiləsində ikinci transferini açıqlayıb. 90deqiqe.az xəbər verir ki, yarımmüdafiəçi Coşqun Diniyevlə müqavilə imzalanıb.
Son iki ili “Zirə”də keçirən 28 yaşlı orta sahə oyunçusu növbəti mövsümdən “dənizçilər”in formasını geyinəcək.
Maraqlıdır ki, Coşqun Diniyevin atası Şahin Diniyev “Səbail”in baş məşqçisi, qardaşı Kərim Diniyev isə köməkçi-məşqçisidir.
Qeyd edək ki, qəsəbə təmsilçisi buna qədər “Qəbələ”nin qapıçısı Səlahət Ağayevi heyətinə cəlb edib.
