Səudiyyə Ərəbistanı klubları onun üçün hərəkətə keçdi

Səudiyyə Ərəbistanı klubları “Mançester Yunayted”in kapitanı Bruno Fernandesi almaq üçün hərəkətə keçiblər.

90deqiqe.az xəbər verir ki, bu barədə Britaniya mətbuatı məlumat yayıb. Məlumatda, Səudiyyə Ərəbistanı Suveren Fondu portuqaliyalı ulduzun qış transferi pəncərəsi üçün gözlənilməsədə yay transfer pəncərəsində potensial hədəf olaraq siyahıya daxil edib. Mənbənin sözlərinə görə, Səudiyyə liqasının bəzi klubları transferin mümkünlüyünü qiymətləndirmək üçün 29 yaşlı futbolçunun agenti ilə əlaqə saxlamağa çalışacaq. Fernandesin hazırkı müqaviləsi 2026-cı ilin yayına kimi nəzərdə tutulub.

Qeyd edək ki, portuqaliyalı bu mövsüm 11 matçda iştirak edib. O, üç qol vurub, iki məhsuldar ötürmə edib.