"Beşiktaş" Burak Yılmazla yollarını ayırdı

Türkiyənin "Beşiktaş" klubu əsas komandada müvəqqəti baş məşqçi vəzifəsini icra edən Burak Yılmazla yollarını ayırdığını açıqlayıb. 90deqiqe.az xəbər verir ki, İstanbul təmsilçisi bu barədə sosial şəbəkədə məlumat yayıb.

"Ağ-qaralar" keçmiş futbolçuya komandadakı xidmətlərinə görə təşəkkür edib, gələcək karyerasında uğurlar arzulayıb.

Xatırladaq ki, "Beşiktaş" cari mövsüm Türkiyə Super Liqasının turnir cədvəlində 11 oyuna 19 xalla 5-ci pillədə qərarlaşıb. İşləri yolunda getməyən İstanbul klubu Avropa Konfrans Liqasında isə 4 oyuna cəmi 1 xalla qrupda sonuncusudur və Konfrans Liqası ilə vidalaşıb.