Millimizin sabiq futbolçusu Latviya klubundan ayrıldı

Millimizin sabiq futbolçusu Vüqar Əskərov Latviyanın "Dauqavpils" klubundan ayrılıb.

Corner.az-ın məlumatına görə, 34 yaşlı hücumçu bu barədə şəxsi "Facebook" səhifəsində yazıb. O, klubda keçirdiyi 1,5 il üçün məşqçilərə və oyunçulara təşəkkür etdiyini bildirib.

Qeyd edək ki, Əskərovda 3 oyunda Azərbaycan millisinin formasını geyinib. Əsasən legioner həyatı yaşayan forvard "Sumqayıt", "Zirə" və "Araz Naxçıvan" komandalarında da çıxış edib. "Dauqavpils" Latviyanın əsas liqasında yer alıb. Komanda 18 turdan sonra 21 xalla 9 kollektiv arasında 7-ci yerdədir.