Keşlə'dən daha iki transfer

Keşlə heyətini yeni futbolçularla gücləndirir.

Corner.az xəbər verir ki, bu barədə klubun meneceri Eldəniz Yusifov məlumat verib. Onun sözlərinə görə, paytaxt təmsilçisi "Zirə"dən ayrılan İlkin Qırtımov və AZAL-ın (indiki "Şüvəlan") sabiq qapıçısı Stanislav Namaşko ilə anlaşıb. Hər iki oyunçu ilə 1+1 illik müqavilə imzalanacaq.

Qeyd edək ki, 2014-2016-cı illərdə AZAL-da oynamış Namaşkonun son klubu Monteneqro "Zeta"sı olub. Qırtımov isə 2015-2018-ci illərdə "Keşlə"nin (o vaxtkı adı ilə "İnter") formasını geyinib.

Xatırladaq ki, "Keşlə" bu yay Rəşad Əzizli, Ruslan Qurbanov, Franko Valentin Flores və Ziya Əzizovu heyətinə qatıb.(qol)