"Əl-İttihad"da yeni baş məşqçi - RƏSMİ

Argentinalı mütəxəssis Marselo Qalardo “Əl-İttihad”ın yeni baş məşqçisi olub.

90deqiqe.az xəbər verir ki, bu barədə klubun rəsmi saytı məlumat yayıb. 47 yaşlı çalışdırıcı Səudiyyə Ərəbistanı klubu ilə 2024-2025 mövsümünün sonuna qədər müqavilə imzalayıb. Noyabrın 8-də “Əl-İttihad” baş məşqçi Nuno Espirito Santonu istefaya göndərdiyini açıqlamışdı.

Xatırladaq ki, Səudiyyə Ərəbistanı Pro Liqasının 13 turundan sonra Ciddə klubu turnir cədvəlinin 5-ci pilləsində qərarlaşıb.

Qeyd edək ki, Qallardo əvvəllər Argentinanın “River Pleyt” və Uruqvayın "Nasional” kimi komandaları çalışdırıb.