İngiltərə nəhəngi Ançelottinin "qapısını döydü"

"Mançester Yunayted" "Real"ın baş məşqçisi Karlo Ançelottiyə təklif göndərib.

90deqiqe.az xəbər verir ki, bu barədə Cope məlumat yayıb. "Qırmızı şeytanlar" italiyalı mütəxəssisin təyinatını nəzərdən keçirir.

Komandanın hazırkı baş məşqçi Erik ten Haqın rəhbərliyi altında sərgəlidəyi oyun və qazandığı nəticələr klub rəhbərliyini narahat etdiyi üçün bu addımı atdığı iddia olunub.  64 yaşlı çalışdırıcının "Real"la hazırkı müqaviləsi bu mövsümün sonu başa çatır.

Qeyd edək ki, "Kral klubu" cari mövsüm La Liqada 14 turdan sonra 35 xalla liderdir. "Mançester Yuneyted" isə Premyer Liqada 13 matçdan sonra 24 xalla altıncı pillədə qərarlaşıb. Komandaya 2022-ci ildən niderlandlı Erik Ten Haq rəhbərlik edir.