“Mançester Yunayted” yeni transferə hazırlaşır

"Latsio”nun qapıçısı İvan Provedel karyerasını İngiltərə "Mançester Yunayted"ində davam etdirə bilər.

90deqiqe.az xəbər verir ki, "qırmızı şeytanlar"ın rəhbərliyi hazırkı əsas qapıçı Andre Onananın oyunundan narazı qaldığı üçün bu transferi etmək niyyətindədir. "Latsio" klubu isə yayda 29 yaşlı qolkiperi 35 milyon avrodan aşağı satmayacaq.

Qeyd edək ki, Provedel bu mövsüm “Latsio”nun heyətində 18 oyuna çıxıb və 20 qol buraxıb. 

Əlavə edək ki, sözügedən qapıçı sentyabr ayında Çempionlar Liqası matçında İspaniyanın "Atletiko" klubuna qol vuraraq bütün dünyada məşhurlaşmışdı.