Lukakunun izinə düşənlərin sayı artır

“Roma”da icarə əsasında çıxış edən “Çelsi”nin hücumçusu Romelu Lukaku karyerasını “Nyukasl”da davam etdirə bilər.

90deqiqe.az xəbər verir ki, bu barədə “Voetbalkrant” məlumat yayıb.

Məlumatda. “sağsağanlar” belçikalı futbolçunun transfer etmək imkanını nəzərdən keçirdiyi vurğulanıb. Nyukasl”ın məqsədi komandasının hücum xəttindəki rəqabəti artırmaqdır. Bu səbəbdən onun yayda əsas transfer hədəflərindən biri olacağı bildirlib.

Bu mövsüm “Roma”ya bir illik icarə verilən belçikalı bütün turnirlərdə 15 matçda 9 qol vurub və 1 məhsuldar ötürmə edib. Onun “Çelsi” ilə müqaviləsi 2026-cı ilin iyun ayının sonuna qədər qüvvədədir.