Təminat verdi, həm də dedi ki...

“Napoli”nin prezidenti Aurelio De Laurentis klubunun hücumçusu Viktor Osimhen gələcəyi ilə bağlı danışıb.

90deqiqe.az xəbər verir ki, bu barədə jurnalist Ben Jakobs “X” sosial şəbəkəsində yazıb.

O,  neapolluların prezidentinin nigeriyalı forvardla yeni müqavilə imzalamaq üçün son danışıqlar mərhələsində olduğunu dediyini bildirib.

“Osimhenlə yeni müqavilə? Futbolçu ilə müqavilə imzalamaq mərhələsindəyik. Təklifimizi Viktora və onun agentinə hələ yayda bildirmişdik.

Osimhen fikrini dəyişdirmək istəsə də “Napoli” təklifini geri götürmədi. Yekun qərar Viktor və onun agentlərinin əlindədir. Əgər müqavilə yenilənməsə, 2024-cü ildə onunla yollarımızı ayıracağıq."

Qeyd edək ki, Osimhen  mövsüm “Napoli”nin heyətində bütün yarışlarda 12 oyun keçirib, 6 qol vurub və iki məhsuldar ötürmə edib.