Enrike PSJ-də üç Mbappenin olmasını istəyir

PSJ-nin baş məşqçisi Luis Enrike komandanın Kilian Mbappedən asılılığından danışıb.

90deqiqe.az xəbər verir ki, ispan mütəxəssis 24 yaşlı forvardın haqqında bu sözləri deyib:

“Mbappe 17 qolla komandanın ən məhsuldar futbolçusudur. İkinci bombardir isə sadəcə 4 qol vura bilib. Daha çox balans istəməzdikmi? Əlbəttə, Mbappe kimi hər biri 17 qol vuracaq 3 hücumçumuzun olmasını istərdim, amma bu mümkün deyil. Keçən il bizdə üç dünya ulduzu oynayıb və onlar qolları daha çox bölüşdürüblər.

Bizim çoxlu qol vuran futbolçularımız var. Biz təkcə Kiliandan asılı deyilik...".