“Aston Villa” ona qiymət qoydu: 110 milyon

“Aston Villa” yarımmüdafiəçisi Duqlas Luis üçün qiymət təyin edib.

90deqiqe.az xəbər verir ki, onu heyətinə qatmaq istəyən klub Birmingem təmsilçisinə 110 milyon funt- sterlinqindən (təqribən 128 milyon avro) keçməli olacaq. Bu barədə İngiltərə mətbuatı məlumat yayıb.

Bildirilir ki, klubun bu qiyməti qoymasına əsas səbəb "Arsenal" kimi klubların onu transfer etməsinə qarşı marağını azaltmaqdır. 

Luis 2019-cu ilin iyulunda “Mançester Siti”dən “Aston Villa”ya keçib. Brazilyalı oyunçu bu mövsüm Luis 23 oyun keçirib, 6 qol vurub və 4 məhsuldar ötürmə edib.

15 turdan sonra “Aston Villa” Premyer Liqada 32 xalla 3-cü pillədə qərarlaşıb.