“MY”in dəyiş-düyüş planı: “Barselona”ya təklif edir ki...

İspaniyanın “Barselona” klubu qış transfer pəncərəsi zamanı Rafinanı “Mançester Yunayted”in futbolçusu Ceydon Sanço ilə dəyişməkdə maraqlı deyil.

90deqiqe.az xəbər verir ki, bu barədə “Football Espana” məlumat yayıb.

Məlumatda, Kataloniya klubunun transfer siyahısında Sançonu dəyiş-düyüş etmə planı olmadığı vurğulanıb.  "Barsa" braziliyalı Rafinanı 2024-cü ilin yayında satmağı düşünür, lakin onu komandasında görmək istəyən klub yüksək məbləğlərdən keçməli olacaqlar.

Qeyd edək ki, Sanço bu mövsüm mankunianların baş məşqçisi Erik ten Haqla mübahisə etmişdi. Bununla əlaqədar olaraq, ingilis məşqdən kənarlaşdırılıb və “Mançester Yunayted”in oyunlarında əsas heyətdən kənarda qalıb.