La Liqanın lideri onun üçün “Yunayted”in qapısını döydü

 “Mançester Yunayted”in yarımmüdafiəçisi Donni van de Bek karyerasını “Jirona”da davam etdirə bilər.

90deqiqe.az xəbər verir ki, bu barədə insayder Fabritsio Romano məlumat yayıb.

O, La Liqa təmsilçisinin niderlandlı oyunçunu icarəyə götürmək istədiyini yazıb. 26 yaşlı futbolçuya digər namizəd  isə Frankfurt “Ayntraxt”ıdır. Almanlar da van de Beki icarəyə götürmək təklif göndərməyi nəzərdən keçirir.

Qeyd edək ki, sonuncu dəfə 2023-cü il yanvarın 3-də İngiltərə Premyer Liqası matçına çıxan Donni van de Bek bu mövsüm bütün yarışlarda cəmi 21 dəqiqə meydanda olub. Daha sonra ciddi zədə alan oyunçu 2022/23 mövsümünün qalan hissəsini buraxıb.