Cud Bellingemin qardaşını görün hansı klublar istəyir

"Real Madrid"in ulduzu Cud Bellingemin kişik qardaşı Cob Bellingem 3 İngiltərə nəhənginin hədəfindədir.

90deqiqe.Az xəbər verir ki, məlumatı şəxsi "X" hesabı üzərindən jurnalist Ekrem Konur yayıb.

O, Çempionşip təmsilçisi "Sanderlend"də çıxış edən Cobun komandasının "Bristol Siti"yə qarşı keçirdiyi oyunu (1:0) "Liverpul", "Arsenal" və "Çelsi"nin skautlarının izlədiyini qeyd edib. Konur eyni zamanda adıçəkilən klublarla yanaşı, "Tottenhem"in də 18 yaşlı yarımmüdafiəçinin transferi üçün  Çempionşip klubuna təklif hazırladığını diqqətə çatdırıb.

Qeyd edək ki, gənc oyunçu cari mövsüm bütün turnirlərdə 22 matça çıxıb, 4 qol və 1 məhsuldar ötürmə ilə yadda qalıb.