"Barselona" Qaviyə əvəzedici tapdı

Cari mövsümü icarə əsasında "Nottingem Forest"də keçirən "Çelsi"nin yarımmüdafiəçisi Andrey Santos "Barselona"nın maraq dairəsinə düşüb.

90deqiqe.az xəbər verir ki, 19 yaşlı futbolçu İngiltərə Premyer Liqasının hazırkı mövsümündə cəmi 7 dəqiqə meydanda olub. Bu səbəbdən "zadəganlar" futbolçunu icarədən geri çağırmağı planlaşdırır.

Kataloniyalılar vəziyyətdən istifadə edib, futbolçu "Çelsi"yə qayıtdıqdan sonra "Santosu" icarəyə götürmək üçün təklif göndərməyə hazırlaşır. Andrey bu mövsüm bir daha oynamayacaq zədəli Qavini "blauqrana" düşərgəsində əvəz edə bilər.