Alveş seçim qarşısında

Sevilya klubu hazırda azad agent olan Dani Alveşi transfer etmək istəyir.

Corner.az xəbər verir ki, bu barədə La Liqa klubunun idman direktoru Ramon Monçi İspaniya mətbuatına açıqlamasında deyib:“Alveşi 11 il sonra yenidən “Sevilya”ya gətirmək üçün danışıqlar gedir. Ancaq Alveş başqa liqalarda oynamaq istəyir.Sonda necə olacağı bəlli deyil”.

İngiltərə mətbuatı 36 yaşlı futbolçunun Premyer Liqada oynamaq istədiyini, bu səbəbdən də, “Manchester City”nin baş məşqçisi Pep Qvardiola ilə görüşəcəyini iddia edir.

Qeyd edək ki, braziliyalı futbolçu 2002-2008-ci illər aralığında “Sevilya”da çıxış edib.