Qışda PSJ-ni tərk edəcəklər

PSJ qış transfer pəncərəsində iki futbolçu ilə yolları ayırmağa hazırlaşır.

90deqiqe.az xəbər verir ki, bu barədə “Le Parisien” məlumat yayıb. Mənbənin sözlərinə görə, bunlar müdafiəçi Leven Kurzava və hücumçu Uqo Ekitikedir. Adıçəkilən futbolçular bu mövsüm cəmi 8 dəqiqə meydanda olublar və əsas heyətdə demək olar ki, yerlərini itirblər.

Qeyd edək ki, Kurzava 2015-ci ildən PSJ-də çıxış edir. 31 yaşlı müdafiəçi parislilərin heyətində ümumilikdə 154 oyuna çıxıb, 14 qol vurub və 23 məhsuldar ötürmə verib. Ekitik isə 33 matçda 4 qol vurub və 4 məhsuldar ötürmə edib.