“Napoli” “Yuventus”la onun uğrunda mübarizəyə qoşuldu

İtaliyanın "Napoli" klubunun rəhbərliyi "Şaxtyor"un yarımmüdafiəçisi Georgi Sudakov üçün transfer mübarizəsinə başlayıb.

90deqiqe.az xəbər verir ki, bu barədə yerli mətbuat məlumat yayıb. Neapollular 21 yaşlı futbolçunun transferi uğrunda mübarizədə “Yuventus”a "başağrı" olmağa qərar verib.

Mənbənin bildirdiyinə görə, adı çəkilən klublardan biri artıq futbolçu üçün 35 milyon avro təklif edib. Lakin hansı klub olduğu açıqlanmayıb..

Qeyd edək ki, Sudakov  bu mövsüm yarımmüdafiəçi "Şaxtyor"un heyətində 18 oyun keçirib, 3 qol və 1 məhsuldar ötürmə ilə yadda qalıb.