Mahir Emreli "Dinamo"dan ayrılacaq

Azərbaycan millisinin hücumçusu Mahir Emrelinin Zaqreb “Dinamo”sundan ayrılır. 90deqiqe.az Xorvatiya mətbuatına istinadən məlumatına görə, rəhbərlik forvardı transferə siyahısına daxil edib.

Baş məşqçi Sergey Yakiroviç öz fəlsəfəsinə uyğun heyət qurmaq istədiyi üçün bir neçə oyunçunu sərəncamında görmək istəmir. Həmin oyunçulardan biri də məhz Emrelidi. Onun ya qış fasiləsində, ya da mövsümün sonunda komandasını dəyişməsi gözlənilir.

Rəhbərlik baş məşqçinin “qara siyahı”sında yer alan futbolçulara yeni komanda axtarmağa başlayıb.

Qeyd edək ki, Mahir Emrelinin “Dinamo” ilə müqavilə müddəti 2026-cı ilin yayına qədərdir.