Əmrə İtaliya nəhənginin hədəfində

İtaliya "Napoli”si qış transfer pəncərəsində 'Borussiya Dortmund”dan Emre Canı transfer etmək imkanını nəzərdən keçirir.

90deqiqe.az xəbər verir ki, bu barədə “Corriere dello Sport” məlumat yayıb.

Mənbənin məlumatına görə, neapollular 29 yaşlı futbolçuyə Elif Elmasın “RB Leypsiqə” satışından sonra maraqlanmağa başlayıblar.

Qeyd edək ki, türk əsilli alman oyunçu 2020-ci ilin yanvarından “Borussiya”da çıxış edir. O, bu mövsüm bütün turnirlərdə 19 matçda iştirak edib, 1 qol vurub və 2 məhsuldar ötürmə verib.

“Transfermarkt” portalı oyunçunun bazar dəyərini 12 milyon avro qiymətləndirir.