Xabi Alonso üçün “Bavariya” variantı

“Bayer”in baş məşqçisi Xabi Alonso “Bavariya”nı çalışdıra bilər.

90deqiqe.az xəbər verir ki, ispaniyalı mütəxəssis Leverkuzen təmsilçisindəki uğurları ilə münhenlilərin diqqətini çəkib.

Bundesliqa çempionu gənc mütəxəssislə mövsümün sonunda razılaşmağı planlaşdırır. Bu üzdən “Bayer”lə təzminat məsələsi müzakirə olunacaq.

Alonsonun “Bayer” klubu ilə sözləşməsi 2026-cı ilin yayında başa çatır.

“Real”ın Karlo Ançelotti ilə yeni müqavilə imzalaması “Bavariya”nın işini bir qədər asanlaşdırıb.

Qeyd edək ki, hazırda bütün tunirlər daxil olmaqla məğlubiyyət üzü görməyən Xabinin komandası Bundesliqada 42 xalla turnir cədvəlinə başçılıq edir.