Sabiq "Barsa"lı "Beşiktaş”ı çalışdıra bilər

“Barselona”nın və Niderland millisinin sabiq futbolçusu Covanni van Bronkhorst “Beşiktaş”ı çalışdıra bilər.

90deqiqe.az xəbər verir ki, tərəflər arasında danışıqlar gedir. Bu barədə jurnalist Nikolo Skira “X” sosial şəbəkəsindəki səhifəsində yazıb.

Ondan başqa, “Beşiktaş”ın baş məşqçisi postuna Fabio Kannavaro, Ruud van Nistelroy və Bruno Genesio da iddialıdır.

Qeyd edək ki, Covanni van Bronkhorstun son iş yeri “Reyncers” olub. Futbolçu karyerası ərzində “Arsenal”, “Feyenoord”, “Valveyk”, “Reyncers” və “Barselona”da çıxış edən, “Feyenoord” və “Quançjou”nu çalışdıran van Bronkhorst həm də “Mançester Siti”nin sistemində və Niderlandın gənclər komandasında çalışıb.