“Fluminense”dən “Zenit”ə

Rusiyanın “Zenit” klubu heyətini yeni oyunçu ilə gücləndirib.

90deqiqe.az xəbər verir ki, Sankt-Peterburq təmsilçisi “Fluminense”dən Ninonu transfer edib. Bu barədə Premyer Liqa klubunun mətbuat xidməti məlumat yayıb.

“Zenit” braziliyalı müdafiəçi ilə 4,5 illik müqavilə imzalayıb. İnsayder Fabrisio Romanonun məlumatına görə, Premyer Liqa klubu 26 yaşlı futbolçu üçün Braziliya klubununa 5 milyon avro təzminat ödəyəcək.

Qeyd edək ki, “Fluminense” Ninonu 2019-cu ilin fevral ayında “Krisiuma”dan transfer etmişdi. O, komandanın heyətində 239 rəsmi matçda iştirak edib, 12 qol və 5 məhsuldar ötürmə edib.