“Borussiya” “Çelsi”yə rəsmi təklif göndərdi

Dortmund “Borussiya”sı müdafiəçi Yan Matsen üçün “Çelsi”yə rəsmi təklif göndərib.

90deqiqe.az xəbər veririk, bu barədə jurnalist Fabritsio Romano “X” sosial şəbəkəsində məlumat verib.

O, Bundesliqa klubunun 21 yaşlı futbolçunun icarəyə götürülməsi ilə bağlı təklif irəli sürdüyünü, yaxın vaxtlarda iki klub arasında bütün detallara aydınlıq gələcəyini bildirib.

Matsenin londonlularla müqaviləsi 2024/2025 mövsümünün sonuna qədərdi.

Niderlandlı oyunçu 2018-ci ildən “Çelsi”dədir. O, bu mövsüm “zadəganlar”ın bütün turnirlərdə keçirdiyi 15 matçda iştirak edib. Transfermarkt internet portalına görə hollandiyalı futbolçunun təxmini dəyəri 20 milyon avrodur.