Benzema Avropaya qayıdır?

“Əl-İttihad”ın hücumçusu Kərim Benzema karyerasını PSJ-də davam etdirə bilər.

90deqiqe.az xəbər verir ki, bu barədə “Sports Zone” məlumat yayıb.

Mənbənin məlumatına görə, Paris klubunun prezidenti Nasser Əl-Xelaifi fransalı forvardın transferində şəxsən maraqlıdır. O, 36 yaşlı hücumçunu 6 aylıq icarəyə götürmək istəsə də, klubun idman direktoru Luis Kampos bu keçidin əleyhinədir.

Onun “Əl-İttihad”la müqaviləsi 2026-cı ilə qədərdir.

Qeyd edək ki, Kərim Benzema Səudiyyə Ərəbistanındakı şəraitdən narazıdır və klubdan ayrılmaq istəyir. 

O, bu mövsüm bütün turnirlərdə 20 oyun keçirib, 12 qol vurub və 5 məhsuldar ötürmə edib.