- Transfer
- 22:27 24.10.2024
"Fənərbaxça" braziliyalı hücumçu Mateus Saldanya üçün Serbiya "Partizan"ı ilə danışıqlara başlayıb.
90deqiqe.az xəbər verir ki, hücumun hər sahəsində oynaya biləcək bir adı heyətinə qatmaq istəyən İstanbul təmsilçisi 24 yaşlı braziliyalı futbolçu üçün Serbiya komandasına təklif göndərib.
Rəhbərlik "Partizan"dan müsbət cavab alacağı təqdirdə, Saldanyanın agenti ilə danışıqlara başlayacaq.
Mateus Saldanya Serbiya təmsilçisində 18 matçda 14 qol vurub, 5 məhsuldar ötürmə edib.
Qeyd edək ki, Saldanya 2023-cü ilin ilk yarısında "Neftçi"də top qovub.
