Henderson İtaliya nəhənginə keçir

"Yuventus" yarımmüdafiə xəttini "Əl-İttifaq" və İngiltərə millisinin yarımmüdafiəçisi Cordan Hendersonla gücləndirmək istəyir.

90deqiqe.az-ın məlumatına görə,33 yaşlı futbolçu ötən yay "Liverpul"dan Səudiyyə klubuna keçsə də, artıq Avropaya qayıtmaq istəyir.

"Yuventus" hazırda Hendersonla icarə imkanını müzakirə edir. İngilis futbolçu il yarımlıq icarə müqaviləsi imzalamaq istəyir. İtalyanlar əməliyyatın maliyyə komponentini öyrənirlər (bu keçid üçün çıxış transferi tələb olunacaq).

Daha əvvəl "Ayaks"ın Hendersonu transfer etmək istədiyi bildirilirdi.

Qeyd edək ki, ingilis oyunçu ötən ilin iyulunda “Liverpul”dan “Əl-İttifaq”a keçib. O, ərəb klubunda 19 oyuna çıxıb, 5 məhsuldar ötürmə edib.