"Boka Xuniors"u Premyer Liqa klubuna dəyişdi

"Boka Xuniors" müdafiəçisi Valentin Barko karyerasını İngiltərədə davam etdirəcək. 

90deqiqe.az-ın məlumatına görə, 19 yaşlı futbolçu "Brayton" klubu ilə 2028-ci ilin yayına qədər (bir illik uzadılma ehtimalı ilə) müqavilə imzalayıb. Premyer Liqa təmsilçisi bu keçid üçün 10 milyon dollar ödəyib. Transfer yaxın vaxtlarda rəsmən açıqlanacağı gözlənilir.

Qeyd edək ki, Barko “Boka Xuniors”un yetirməsidir. O, ötən mövsüm 32 oyun keçirib, 1 qol vurub, 4 məhsuldar ötürmə edib və 8 sarı vərəqə alıb. Transfermarkt portalı 19 yaşlı argentinalıya 13 milyon avro qiymət qoyub.