"Arsenal" onun üçün təklif göndərəcək

"Bolonya"nın hücumçusu Coşua Zirkzi karyerasını "Arsenal"da davam etdirə bilər.

90deqiqe.az xəbər verir ki, bu barədə jurnalist Ekrem Konur "X" sosial şəbəkəsində (keçmiş Twitter) yazıb.

O, "topçular"ın rəhbərliyinin niderlandlı futbolçunun alınması üçün ilkin təklif hazırladığını bildirib. Londonluların nümayəndələri yaxın günlərdə "Bolonya" ilə əlaqə saxlayacaqlar.

22 yaşlı futbolçu xidmətində "Bavariya", "İnter", "Yuventus" və "Milan" klubları da maraqlıdır.

Zirkzee 2022-ci ildən "Bolonya"da çıxış edir. Bu mövsüm forvard bütün turnirlərdə 22 oyun keçirib, 8 qol vurub və 4 məhsuldar ötürmə edib. Futbolçunun İtaliya klubu ilə müqaviləsi 2026-cı ilin iyunun sonuna kimi qüvvədədir. Transfermarkt internet portalına görə futbolçunun təxmini dəyəri 30 milyon avrodur.