"Roma" Mourinyonu istefaya göndərdi

"Roma" baş məşqçisi Joze Mourinyonu istefaya göndərib.

90deqiqe.az xəbər verir ki, bu barədə klubun saytı məlumat yayıb. Onunla birliklə bütün məşqçi heyəti ilə yollar ayrılıb. 

"Roma" son olaraq dünən A seriyasında "Milan"a 1:3 hesabı ilə uduzub.

Qeyd edək ki, Mourinyo 2021-ci ilin may ayından "Roma"nı çalışdırırdı. Komanda hazırda A seriyasında 29 xalla 9-cu pillədə qərarlaşıb.

Xatırladaq ki, 2021/2022 mövsümündə portuqaliyalı mütəxəssisin rəhbərliyi altında "Roma" Konfrans Liqasının qalibi olub. 2022/2023 mövsümündə isə komanda Avropa Liqasının finalına yüksəlib.