"Barselona" ona görə transfer etməyəcək

"Barselona" cari transfer pəncərəsində yarımmüdafiəçi mövqeyi üçün oyunçu almayacaq.

90deqiqe.az xəbər verir ki, bu barədə katalonların idman direktoru Deko “Mundo Deportivo”ya açıqlamasında deyib.

O, Kataloniyanın məşqçilər korpusunun müdafiəçi Andreas Kristensendən yarımmüdafiədə istifadə etmək istədiyi üçün bu addımı atacaqlarını bildirib. Danimarkalı yaxşı ötürmə ilə, oyunu oxumağı və topla bacarıqla idarə etməyi bacaran ağıllı futbolçu hesab olunur.

Bu mövsüm Kristensen bütün turnirlərdə 22 matçda iştirak edib və bir məhsuldar ötürmə edib. Müdafiəçinin Kataloniya klubu ilə hazırkı əmək müqaviləsi 2026-cı ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 40 milyon avrodur.