Osimhen Premyer Liqaya köçür? - özü açıqladı

"Napoli"nin hücumçusu Viktor Osimhen gələcəkdə Premyer Liqadan hansısa kluba transfer olma ehtimalını dəyərləndirib.

90deqiqe.az xəbər verir ki, nigeriyalı forvard hədəfində Premyer Liqada çıxış etmək olsa da, hazırda bunu düşünmədiyini bildirib.

"Təbii ki, bir gün mən də Premyer Liqada olmaq istərdim. Amma indi karyeramla bağlı başqa planlarım var. Hər şey vaxtı gələndə bilinəcək."

İddialara görə, Osimhen ilə La Liqanın bir klubu maraqlanır.

25 yaşlı forvard ötən ay neapollularla 2026-cı ilə qədər yeni müqavilə imzalamışdı.

Nigeriyalı oyunçu 2020-ci ilin sentyabrından bu komandada çıxış edir. O, bu mövsüm İtaliya A Seriyasında 17 oyuna çıxıb, 8 qol vurub.